صفحتنا على فيس بوك

اعلانات تجارية
شركة قلب الجزيرة للاستضافة والتصميم
عدد الضغطات : 20,417المصحف الرقمى الفلاشى
عدد الضغطات : 19,133
المسابقة الرمضانية الثانية
عدد الضغطات : 12,088عدد الضغطات : 8,919
عدد الضغطات : 8,803عدد الضغطات : 13,754


إضافة رد
 
أدوات الموضوع انواع عرض الموضوع
قديم 12-10-2011, 01:56 AM   #1
سحر العيون



الصورة الرمزية سحر العيون

سحر العيون غير متواجد حالياً

لوني المفضل : Black
رقم العضوية : 2571
تاريخ التسجيل : 31 / 10 / 10
فترة الأقامة : 1268 يوم
أخر زيارة : 27-03-2014
المشاركات : 1,072 [ + ]
نقاط التميز : 10
قوة الترشيح : سحر العيون على طريق التميز

My facebook

Stqou 28ee946f40 كلمات اغاني الفنان زيدان ابراهيم












ولد الفنان زيدان ابراهيم بحى العباسية بامدرمان فى منتصف الاربعينات , بدأ مراحله الدراسية الاولية بمدينة كادوقلى حيث كان يعمل بها والده وعاد مرة اخرى لامدرمان ليواصل بمدرسة بيت الامانة والمرحلة الوسطى بمدرسة حى العرب والثانوى بالاهلية امدرمان . فى مرحلة الثانوى انضم الى فرقة الموسيقى المدرسية تحت اشراف الاستاذ محمد احمد قاسم المسؤل عن النشاط الموسيقى بالمدرسة .
وبدات موهبته تتفتح كعازف مزمار مؤدى لاغانى الكاشفو ورودى والكابلى تعلم العود تحت اشراف الموسيقار صالح عركى عام 1960 واصبح يجيد اغانى وردى اجادة تامة مما اطلق عليه لقب ورودى الصغير.ونجد رغم عدم اختياره فى احتفالات بخت الرضاء بأعتباره ان صوته لا يصلح للغناء لم يياس ولم يفقد الامل حتى اجيز صوته امام لجنة الاصوات بالاذاعة عام 1963 وأجيز بالاجماع بعد ان غنى لهم (بالى مشغول يا حبيبى - ماهو عارف-بينى وبينك والايام) والفضل يرجع الى الشاعر عوض احمد خليفه الذى شجعه ووجه الى ان وصل الى مايكرفون الاذاعة. ومشوار زيدان يستحق التوقف لانه مشوار مر بعدة مراحل يمكن اعتبار المرحلة الاولى كانت ظهوره بفن جديد ورؤية فنية جديدة قدم فيها باق ةمن الاغانى (بالى مشغول يا حيبى)الحان عبداللطيف خضر وكلمات عوض احمد خليفه بجانب (ما سألت يوم عليك- لغيرك ما بقدر الوم-من الحان السنى الضوى)- واغنية( ووداع ) وخلال تلك المرحلة تأثر زيدان وتأثر به الموسيقار الراحل احمد زاهر الذى لعب دورا بارزا فى بناء شهرته ودعم مكانته الفنية فقدم له من الحانه (معذرة -اكون فرحان-) واستطاع من خلال ما قدم ان يضع قدميه ويتدرج فى النجاح خاصة فى تلك المرحلة التى كانت الساحة الفنية تعج بالعديد من عمالفة الفن . اما المرحلةالثانية فمرحلة الانطلاق عام 1969 بدا فيها منطلقا بخطى سريعة حيث قدم من الحانه الخاصة (مااصلو ريد-قصر الشوق- فراش القاش -فى بعدك يا غالى -ليه كل العذاب) وقد احدثت ضجة فى دنيا الاغانى لانها ابتكارات جديدة فنية. وتعد اغنية فراش القاش بولونيتها الجديدة ومقدمته االموسيقة القصيرة التى كتب كلماتها الشاعر التجانى حاج موسى ولحنها الفنان عمر الشاعر وكانت بداية انطلاق الثنائى زيدان وعمر الشاعر ليملأ الساحة الفنية شجنا وطربا. المرحلة الثالثة مرحلة (اخونك-نبع الحنان-غرام الروح كذالك لحن فيها اغنية كلمة عتاب لمين ونشيد ابريل الحديث كان للدكتور الفاتح الطاهر فى جريدة الصحافة بتاريخ 27رمضان 1406 الموافق 4/6/1986 ومنذ تلك الفترة واصل وما زال فنانا كبيرا يقدم العديد من الروائع واشتهر بأدئه الجميل لاغنية المرحوم الكاشف (الذكريات) واذكر فى اكثر م لقاء عبر الاذاعة وبحضور الفنان الراحل الشفيع واعجابه يغنيها . وزيدان فنان مرهف اشتهر بالدعابة والنكته حتى فى الحفلات العامة وله اسلوب شيق فى االحفلات العامة وعلى سبيل المثل فترة انتفاضة ابريل وشارك كثيرا فى الحفلات ذو الطابع الاجتماعى التكافلى ونجده فى المناسبات الخاصة مشاركا فى كثير من الاحيان دون وضع للمسألة الماليه وفى اخر حفل له بحدائق الاذاعة بمناسبة عيد رمضان الذى مضى شارك بالغناء بالرغم من ظروفه المرضية وهكذا زيدان عبر كل هذه السنين العطرة التى فاح عبيرها واسكرنا والحديث عنه لا ينتهى وهنالك العديد من زملائه فى الفن فى البورد ولتكون هذه بمثابة فتح شهية . الاسم الحقيقي للفنان زيدان ابرهيم؟زيدان ابراهيم هو: محمد ابراهيم زيدان

ربنا يتقبلو في فسح جناته


ما حصل


ماحصل فارقت دربك وشلت املى على السراب
مابحاول يوم اسيبك اواقول انا نجمى غاب

يحلو لي صبرى الصبرتو فى سبيل حبك حملتو
ماشكيت لهفة مشاعرى فى هواي معاك كتمتو
انت برقة شعورك قلبى ليك انا ماظلمتو
قلبى زغرد يوم لقيتك وانت بى البسمات غمرتو

كلو بسمة جميلة منك راسمة فى خدك شباب
كلو فتنة جميلة باينة فيها كم انا قلبى داب
يالمحاسنك فايضة رقة لي عذابك مستطاب

ياربيع بزهورو فايحة فى الوجود مالي سواك
ارعى عمرى الباقى لليا خلى قلبى يعيش هواك


قصر الشوق
التجاني حاج موسى



أقول أصبر على الهجران
أقول أنساك لا بد
أشوف بس طرفك النعسان
تخوني القوة والشدة
تصبر قلبي على الهجران
يثور ماضينا ويتحدى
يا قصر الشوق لو هداك
حبيبك ومر ليك صدا
بأبنيك بغلاوة الريد
محال أنا قصري يتهدا
أهي الأيام بتتعدى
ونرجع تاني لا بد
وحات عمراً قضيتوا معاك
محال عن ريدك ارتد
وراجي العين تلاقي العين
وأحضن إيدك البضة
وأهي الأيام بتتعدى
ونرجع تاني لابد
باب الريده وإنسد
نقول ياربي إيه جد؟
تمر أيام وتتعدى
ونقعد نحسب في المدة
مهما أجرب النسيان
ألأقي الشوق يمتد
ما باب الريدة وإنسد


اخونك؟
كلمات محمد جعفر عثمان


أخونك .. هل تصدق أخونك؟
ما أظن أصدق أخونك
لو شافت عيونك إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك؟!
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!
ذكرياتك دايماً أماني
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك؟



لواحبك



لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني
***
بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شتاتي
لما تحكي الشوق عينيا
أو تعاتبك اغنياتي
كلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي
***
كن مجامل يا حبيبي
ويكفي انك تصطفيني
عشّي خاوي بالليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيك لمحة ضنيني
متين تعود أيام هنايا
وتاني ترجع تصطفيني


ليه كل العذاب
التجاني حاج موسى




ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
الدرب المشيتو مشيتو عشانك
عذب وزيد عذابك يا سلطان زمانك
عذب وزيد عذابك يا جبار زمانك
كل ما أجيك داني كايس لي حنانك
تبعد مني تقسى وتزيد الألم ألم
لو تعرف يا ظالم بحبك قدر إيه
بحبك والله عالم ده حب احترت فيه
بحبك زي عيوني ولو سألوني ليه
لأنك في عيوني في عيوني الألم
عذب فيني بالغ وزيد منو الكتير
لو يرضيك آذاي عذب يا أمير
قالو البهوا دايماً ياما يشوف كتير
وشفت غلاوتي عندك وحبيت الألم
ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
لسه الفرقة حاصلة وبقاسي الألم
لسه الفرقة حاصلة وبقاسي الألم
 

رد مع اقتباس
قديم 12-10-2011, 02:23 AM   #2
سحر العيون



الصورة الرمزية سحر العيون

سحر العيون غير متواجد حالياً

لوني المفضل : Black
رقم العضوية : 2571
تاريخ التسجيل : 31 / 10 / 10
فترة الأقامة : 1268 يوم
أخر زيارة : 27-03-2014
المشاركات : 1,072 [ + ]
نقاط التميز : 10
قوة الترشيح : سحر العيون على طريق التميز

My facebook

افتراضي




اللهفة


لو تعرف اللهفة والريد والعذاب..
والشوق بطرق فى دروبك الف باب ....
لو تعرف دى الدنيا من بعدك سراب..
ماكانت روحت وكنت طولت الغياب ....

***

كنت فاكر الشوق يجبك والحنين..
وتعود لقلبى الفى هواك صابر حزين ....
لكنو بس طال الصبر بالسنين ....
يا الروحت طولت الغياب ....
لو تعرف اللهفة والريد والعذاب ...
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....

***

الليل حزين دمعاتى صامته بتبللو ....
ممتد طويل ماليهو حد فاقد نهايتو ....
بالله كيف اقدر اطيق واتحملو ....
يا الروحت طولت الغياب ..
لو تعرف اللهفة والريد والعذاب ....
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....

[align=center]


حنين ياليل


حنـــين يا ليل
يا ساتر عيون الناس
أهم فيك و أناجيك
وأسافر في بحورك ديك
لا بتعب من الإسفار
ولا بغشاني مرو نعاس
لأتي بغازل النجمة
غزل بقوافي منسجمة
وحجوة بصورة منتطمة
وبيها أدغدغ الإحساس

حنـــين يا ليل ... يا
يا ساتر عيون الناس

براي سهران كمان زيك
بلاقي عزاي في ريدك
اقالد في النجوم وحدي
وأغني يا ليل مواويل
أصارع الموج والتيار
أغالب الدمعة ما تنهار
أسِــــر البسمة عشان
تضوي لي في المشـوار
حنـين يا ليل
يا حنــيِـــن
يا ساتر عيون النـاس


لاهماك عذابنا
كلمات يوسف محمد يوسف
ألحان زيدان إبراهيم


لا هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة





قلبك ليه تبدل



قلبك ليه تبدل صدا وليه تحول
انا طول عمري مخلص يا اخر حب واول
***
إيه الشفتو مني من حبي وحنيني
ايامي القضيتا من عمري وسنيني
اعبد في جمالك ياملهم فنوني
إنتا خلاص نسيت البينك وبيني
مابنساك وحاتك يا اخر حب واول
***
يابهجت شباب واملي العشت بيهو
سقيتو الطيف حناني وانت حياتي فيهو
روحي حولو حايمة حولو والروح تسال عليهو
قلبي الحب سامي مشغول
ديمه بيهو طول
وحيات شبابك قلبك ليه تبدل
***
قول وحيات عيونك حبك في دمايا
سامر جوة قلبك وعايش في خيالك
انا لسه عندك حبيبك وكل امالك
إنتي خلاص نسيتني شاغل ريدي مالك
مابنساك وحاتك يااخر حب واول


غربة وشجن
التجاني حاج موسي



ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:24 PM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi

Ramdan √ BY: ! Omani ! © 2012
~ :: جميع الحقوق محفوظة لمنتديات مزازيك السودانية :: ~

Security team